KZ
Өскемен
+17°
туман жел 2 м/с, ОШ
478.58 520.84 5.44

Катонқарағайлық тұрғындар тегін медициналық тексерістен өтті

21.06.2024, 14:49 100 Ләззат Қанатқызы

Бүгін ШҚО көпсалалы онкология және хирургия орталығына Катонқарағай ауданының тұрғындары келіп, тегін медициналық тексерістен өтті, білікті мамандардан кеңес алды.

Орталықта мұндай шара алғаш рет ұйымдастырылып отырған жоқ. Бұған дейін Күршім ауданындағы Маралды ауылынан 30-дан астам әйел адам келіп, тексерістен өткен, деп хабарлайды Altainews.kz тілшісі.

Ақ халаттылар алғашқы шараның нәтижесінде ешқандай қатерлі ісікке күдік анықталмағанын айтады.

Аталған акция аясында тұрғындар өз аудандарында өте алмайтын тексерістерден Өскемендегі облыстық онкологиялық орталыққа келіп өтеді.

-              Атап айтқанда компьютерлік томография, омыраудың және жамбас мүшелерінің ультрадыбыстық зерттеуі жасалып, гинеколог, мамолог мамандардан кеңес алады. Акция әйел адамдарда қатерлі ісікке немесе қандайда бір ауруға күдік табылса дер кезінде анықтап, ем қабылдауға ықпал етеді. Бұл акция өңір көлемінде әлі де жалғаса береді. Тек Маралды мен Катонқарағайды ғана емес, өзге де аудандарды қамтымақ, - деді онкологиялық орталықтың консультациялық-диагностикалық бөлімше меңгерушісі Шолпан Нұрғалиева.

Сондай-ақ онкоорталық мамандары 2023-2027 жылға тағайындалған кешенді бағдарлама аясында Катонқарағай ауданы үшін мамография аппараттары мен компьютерлік томография сатып алу жоспарланып отрығанын атап өтті.

-              Осындай скринингтік тексеруге үнемі келіп тұрамыз. Бұл өз денсаулығымыз үшін аса маңызды. Қазір медицина дамып, түрлі мүмкіндіктер барда ауырмайтын жол іздеп, өзіңе сенімді болға жөн. Қанша шақырым жерден келгенде жылы қабылдап, көмек көрсетіп жатқан ақ халаттыларға алғыс білдіремін, - деді Катонқарағай ауданының тұрғыны Алмагүл Мақадылова.

Ағымдағы жылы шалғайдағы ауыл тұрғындарының денсаулығын жақсарту мақсатында жыл көлемінде осындай түрлі акциялар ұйымдастыру жоспарланып отыр.

Біздің Instagram парақшамызға жазылыңыз

Жаңалықтарды ең бірінші болып оқыңыз

жазылу
Кликните на изображение чтобы обновить код, если он неразборчив