Су тасқынынан зардап шеккен аймақтардан балалар «Балдәуренде» демалып қайтты
Фото: ҚР Оқу-ағарту министрлігі
Су тасқынынан зардап шеккен аймақтардан 1000-ға жуық бала «Балдәурен» оқу-сауықтыру орталығында демалды.
«Балдәурен» республикалық оқу-сауықтыру орталығында келесі аптада жаңа маусым басталады. Биылғы жазда бұл орталық 6000-нан астам баланы қабылдайды, деп хабарлайды Altainews.kz тілшісі.
Оқу-ағарту министрлігі баспасөз қызметінің ақпараты бойынша, оқу-сауықтыру орталығы жазғы кезеңде әрқайсысы 15 күннен тұратын бес ауысым өткізеді, әрбір ауысым рухани-адамгершілік, патриоттық тәрбие беру, балалардың физикалық дамуы секілді түрлі бағыттарды қамтиды.
Орталық әртүрлі құрылымдық бөлімшелерден тұрады: білім беру, тәрбие, медициналық, дене шынықтыру кешендері.
Су тасқыны басталғалы бері түрлі республикалық сауықтыру орталықтарында 1083 бала демалды. Жазғы кезеңде демалыспен тағы 3,7 мыңға жуық бала қамтылады.
