Эвакуациялық орындардағы оқушылар қажетті құралдармен қамтылған
pexels.com
4 мыңға жуық бала ата-анасымен бірге оқу үшін қолайлы орындарға орналастырылған, деп хабарлайды Altainews.kz тілшісі ОКҚ ақпаратына сүйеніп.
Оның ішінде 600-ге жуық оқушы сауықтыру орталықтарына, 2 мыңға жуық бала колледждер мен жоғары оқу орындарының жатақханаларына, 600-ге жуық бала республикалық маңыздағы инновациялық мектеп-лицей жатақханаларына орналастырылды.
Резерв ретінде балалар мен олардың ата-аналары үшін қосымша 7094 орын әзірленді. Оқушылар қажетті оқу құралдарымен, тамақтанумен және киіммен қамтамасыз етілді. Қазақстан темір жолымен бірге балаларды сауықтыру орталықтарына тегін тасымалдау ұйымдастырылды.
- Сонымен қатар, зардап шеккен өңірлердегі балалар үшін емтихан тапсыру мерзімдері қайта қаралды. Бұдан бұрын Ақтөбе және Атырау облыстарында ТЖБ мен БЖБ өткізілмейтіні хабарланды. Бүгінгі таңда Солтүстік Қазақстан облысының зардап шеккен елді мекендерінде тұратын балалар үшін де ТЖБ мен БЖБ алынып тастау туралы шешім қабылданды. Ақмола және Батыс Қазақстан облыстарында шешім жағдайға қарай қабылданатын болады, - деді ҚР ОАМ ресми өкілі Мереке Амангелдіқызы.
Оқи отырыңыз
Тасқыннан аса зардап шеккен өңірлердегі оқушылар емтиханнан босатыладыСу басқан өңірлердегі балалар «Дарын» және НЗМ мектептерінде оқиды80 білім беру ұйымында оқу онлайн өтіп жатырСу басқан аймақтардағы мектептерде сабақ онлайн форматқа көшіріледіСу тасқынынан зардап шеккен өңірлердегі оқушыларға сауықтыру орталықтарына жолдама беріледі
