Шығыс өңірінде экологиялық акция жалғасып жатыр. Бұған дейін Ұлан, Тарбағатай аудандарының тұрғындары тазалық жұмыстарына жұмыла кіріскен болса, игі үдерісті күршімдіктер жалғады.

«Таза ауыл» деп аталған іс-шараға 150-ден астам тұрғын қатысып, өзен бойы мен су арналарын тазартып, жарты тонна қоқыс жинады, деп хабарлайды Altainews.kz тілшісі.

Аудан тұрғындары «Таза Қазақстан» экологиялық акциясына белсене қатысып келеді. Бұл жолы «Таза ауыл» атты акцияға да қолдау білдіріп, ауыл маңындағы су арналары мен жағалауларын тазартқан.

Жалпы бұл акция табиғатқа құрметпен қарауды насихаттауға бағытталған. Тазалық акциясы барысында бір жүк тиегіш және қоқыс шығаратын арнайы көлік техникасы пайдаланылып 500 келіге жуық қоқыс шығарылған. Ал тұрғындар болса, ендігі кезекте әркім өз аумағын таза ұстап, өзен жағалауына қоқыс жәшігі орнатылса деген пікірлерін айтуда.

Осылай биылғы көктемде басталған тазалық акциясы өңірлерде жалғасын тауып келеді.