Шығыс Қазақстан облыстық денсаулық сақтау басқармасы Санитарлық-эпидемиологиялық бақылау департаменті, білім басқармасы және қоғамдық даму басқармасымен бірлесе отырып, 11 жастағы қыздарды адам папиллома вирусына қарсы вакцинациялауды енгізу бойынша 2024-2025 жылдарға  іс-шаралар жоспарын әзірледі, деп хабарлайды Altainews.kz тілшісі. 

ҚР денсаулық сақтау басқармасының ақпараты бойынша, биылғы жылдың наурыз айында Назарбаев Университетінің Жоғары медицина мектебінде адам папиллома вирусына қарсы вакцинациялауды енгізу бойынша 5 маман оқытылған. 

Сондай-ақ, облыстағы медициналық ұйымдардан 15 маман (педиатр, гинекологиялық онколог, жалпы практика дәрігері, эпидемиолог) және ШҚО бойынша санитарлық-эпидемиологиялық бақылау департаментінен 10 маман оқудан өтті.

Мектеп мұғалімдері арасында да профилактикалық екпелер, оның ішінде адам папиллома вирусына қарсы вакцинациялау мәселесі бойынша семинар өткізілді.