Алдағы қыркүйек айынан бастап елімізде 11 жастағы қыздарға  жатыр мойны обыры  вирусына қарсы екпе (АПВ) егіледі.  Екінші екпе осы жастағы қыздарға 6 айдан кейін салынады. Облыста 11 жастағы  5025  қыз бала бар, деп хабарлайды Altainews.kz тілшісі.

 Дүние жүзі бойынша  АПВ вакцинациясы-жатыр мойны қатерлі ісігінің алдын алудың ең тиімді әдісі саналады.  Бұл вакцина 135 мемлекеттің ұлттық екпе күнтізбесінде бар.

Адам папилломавирусына қарсы вакцинация жыныстық өмір басталғанға дейін жасалуы керек, сондықтан Еуропа елдерінде 9 жастан 11 жасқа дейінгі қыздар вакцинация алады. Қазақстанда ҚР Денсаулық сақтау министрлігі бекіткен 2023-2027 жылдарға арналған онкологиялық аурулармен күрес жөніндегі кешенді жоспарға сәйкес осы жылдың қыркүйек айынан бастап АПВ-ға қарсы вакцинация да қолжетімді болады.