ШҚО-да медициналық көмек көрсетуге 91 миллиард теңге бөлінді
ШҚО-ның әлеуметтік медициналық сақтандыру қорында 2024 жылға арналған медициналық көмекті сатып алу рәсімдері басталды.
Елімізде тегін көмектің кепілдік берілген көлемі бойынша және міндетті әлеуметтік медициналық сақтандыру шеңберінде медициналық қызметтерге 2024 жылы 2,8 триллионнан астам теңге жұмсалмақ, деп хабарлайды Altaynews тілшісі.
- ШҚО бойынша медициналық қызметтерді сатып алуға 2024 жылы 91 миллиард теңгеден астам қаржы бөлінді, оның 36 миллиардтан астамы МӘМС бойынша. 2023 жылы сатып алу жоспары 87 миллиард теңгені құраған болатын, - дейді ШҚО денсаулық сақтау басқармасының баспасөз қызметі.
Айта кету керек, тегін көмектің кепілдік берілген көлемі бойынша және МӘМС бойынша жүйесінде қызметтердің жоспарланған көлеміне өтінімдер 1-4 желтоқсаннан 11-12 желтоқсанға дейін қабылданады.
Медициналық ұйымдар денсаулық сақтау субъектілерінен қызметтерді сатып алу веб-порталында жоспарланған көлемдерге өтінім бере алады. Онда әр аймақ бойынша жарнамалармен танысуға болады.
Оқи отырыңыз
