Ақынды мерейтойымен құттықтады – Алтай ауданы
Алтай ауданы әкімдігінің өкілдері ақын, прозашы, Ресей Жазушылар одағының мүшесі, «Бухтарминские радуги» өңірлік әдеби бірлестігің мүшесі, көптеген поэтикалық жинақтардың авторы Медведева Нина Григорьевна 75 жас мерейтойымен құттықтады.
Ақынның бірқатар өлеңдеріне жергілікті авторлар мен орындаушылар ән жазған. Ол өз шығармаларында таңғажайып табиғат, ұлы даланың ғажайыптары мен сұлулығы туралы және кеншілер қаласы мен тау-кен жұмыстарының қиындығы туралы да қалам тербейді, деп хабарлайды Altainews.kz тілшісі.
- Біз үшін сіздің әрбір жазған еңбегіңіз қымбат. Өлеңдеріңіздегі қай тақырып болмасын қарапайым, тілге жеңіл. Еңбексіз, маңдай терсіз, дарынсыз мұндай жетістіктерге жету әсте мүмкін емес. Сондықтан сіздің осы уақытқа дейін еткен еңбегіңіз бен шығармаларыңыз үлкен құрметке лайық, - деді аудан әкімінің орынбасары Жанна Асқарова.
Әкімдік өкілдері Нина Григорьевнаға денсаулық, шығармашылығына табыс тілей отырып, арнайы сыйлықтарын тарту етті.
Оқи отырыңыз
