Риддер қаласының құтқарушылары тауда жараланған тұрғынды құтқарды, деп хабарлайды Алтайньюс тілшісі.

ШҚО ТЖД ақпараты бойынша, оқиға 6 қазан күні болған. Сағат 15:40 шамасында әйел адам қоңырау шалып, ұлы мен оның досы тауға кеткені туралы хабарлаған. Айтуынша, жас жігіттің бірі аяғынан жарақат алғандықтан кері қайта алмай, тауда қалып қойыпты.

Қалалық мамандандырылған өрт сөндіру бөлімінің қызметкерлері эвакуацияға жіберіледі.

ТЖБ аға офицері Сергей Родиннің сөзінше, асөспірімдерді іздеп табу қиынға соққан. Себебі ол жерде жолдар мен соқпақтар жоқ. Оның үстіне іздеу жұмыстары кеш батып кеткен кезде жүргізілген. Дегенмен сағат 20.06-де екі жасөспірім Иванов тау жотасынан табылған екен.

Жарақаттанған бозбала алғашқы көмектен бас тартқан. Құтқарушылар оны зембілмен 6 сағат бойы таудан түсіріп, қалалық ауруханаға жеткізіпті.