ШҚО-да кене шаққандардың саны 1700-ге таяды
Фото: massaget.kz
Маусым айындағы мәлімет бойынша, ШҚО-да кене шаққан 1700-ге жуық адам медициналық көмекке жүгінген.
Шығыс Қазақстан аумағы кене энцефалитінің табиғи ошағы болып саналады. Жыл сайын өңірде қауіпті аурудың 20-ға жуық жағдайы тіркеледі, деп хабарлайды Altaynews тілшісі.
Айта кету керек, республика бойынша кене шағып, зардап шеккендердің ең көп саны ШҚО-да тіркелген. Яғни елдегі жалпы санның 35%-ын құрап отыр.
- Кене энцефалитінің алғашқы жағдайлары мамыр айында тіркеледі. Биыл зардап шеккендердің ішінде зейнеткерлер көп. Маусым айының басындағы мәлімет бойынша, облыс бойынша кене шаққан 1700-ге жуық адам медициналық көмекке жүгінген, оның ішінде 520-сы 14 жасқа дейінгі балалар, - дейді ШҚО СЭБД басшысының орынбасары Сәуле Сләмғазина.
Сондай-ақ бүгінгі күні барлық эндемикалық аумақтар, атап айтқанда, Риддер және Өскемен қалалары мен Глубокое, Зайсан, Катонқарағай, Ұлан, Шемонаиха, Самар, Алтай аудандары толықтай залалсыздандырылған.
Оқи отырыңыз
