Өскеменде көпқабатты үйден өрт шығып, тұрғындар эвакуацияланды
Фото: ШҚО ТЖД баспасөз қызметі
Славский жағалауындағы көппәтерлі тұрғын үйлердің бірінен өрт шықты.
8 қабаттағы пәтерден шыққан өрт 1-ден 9-қабатқа дейінгі электр кабеліне тарады, деп хабарлайды Altaynews тілшісі.
Оқиға орнына келген құтқарушылар арнайы масканың көмегімен 5 тұрғынды жедел құтқарған. Ал 20 тұрғын өз бетінше шығып үлгеріпті.
- Өрт электр жабдықтарын монтаждау және пайдалану кезінде өрт қауіпсіздігі талаптарын сақтамау салдарынан болуы мүмкін. Өрт сөндірушілер 27 шаршы метр аумаққа тараған тілсіз жауды ауыздықтады. Сөндіруге барлығы 25 жеке құрам мен 8 техника жұмылдырылды,-дейді ШҚО ТЖД баспасөз қызметі.
Оқи отырыңыз
