Қытайдың Ханчжоу қаласында өтіп жатқан XIX жазғы Азия ойындарында қазақстандық спортшылар тағы 3 қола мен 1 күміс жеңіп алды.

Қазақстандық Бекәділ Шаймерденов күрес спортының құраш түрінен күміс медаль жеңіп алды, деп хабарлайды Altaynews тілшісі.

81 келіге дейінгі салмақ дәрежесіндегі финалдық белдесуде отандасымыз өзбекстандық Үмид Есановқа есе жіберген.

Ал, стенд ату бойынша Қазақстан командасының өкілі Мария Дмитриенко 34 ұпай жинап, «қола» олжалады.

22-ші қола медалді бокстан Сағындық Тоғамбай иеленді. Ол 92 келіге дейінгі салмақ дәрежесінде алаң қожайыны Хан Сюэчжэньмен өткен айқаста есе жіберді.

Су добынан Қазақстан әйелдер құрамасы төртінші кездесуінде Өзбекстаннан басым түсіп, қола жүлде еншіледі. Ел құрамасы алтыншы кездесуінде Өзбекстанды 16:8 есебімен сүріндірді.