ШҚО-да 4 учаскеде жасанды жолмен қар көшкіні түсірілді
«Өскемен-Алтай» автожолында жарылыс жасалып, 11660 текше метр қар түсірілді.
Қазір өңірде қар көшкіні қаупі бар 325-тен астам учаске бар, деп хабарлайды Altaynews тілшісі.
ШҚО-да қолайсыз ауа райы, жел мен қар жаууы салдарынан әлі де қар көшкіні қаупі сақталады.
- Беткейлерде жиналған қар массасын «Қазселденқорғау» ШҚ филиалының мамандары мен ШҚО ТЖД құтқарушылары қолдан жарылыс жасау арқылы түсірді. «Өскемен-Алтай» автожолында жер бедері жағынан ең күрделі учаскелердің бірі орналасқан. Онда 4 жарылыс жасалып, 11660 текше метр қар түсірілді, - дейді Қазселденқорғау филиалының ШҚ басшысы Омар Дүзгімбаев.
Сондай-ақ құтқарушылар қар көшкіні қаупі бар учаскелерден өткенде тоқтамай, тез шығып кету керектігін еске салады.
Оқи отырыңыз
