Глубокое ауданында 4 дәрігерлік амбулатория салынады
Биыл Глубокое ауданында 4 дәрігерлік амбулатория салынады.
Бұл туралы Өңірлік коммуникациялар қызметі алаңында өткен баспасөз брифингінде аудан әкімі Эльдар Тумашинов мәлімдеді, деп хабарлайды Altaynews тілшісі.
Естеріңізге сала кетейік, Мемлекет басшысы Қасым-Жомарт Тоқаев "Әділетті мемлекет. Біртұтас ұлт. Берекелі қоғам" атты Қазақстан халқына Жолдауында медициналық инфрақұрылымды кешенді түрде жақсартуға баса назар аудару керектігін айтқан болатын.
– Бүгінде еліміздегі 650 елді мекенде емдеу мекемесі жоқ. Алдағы екі жылда бұл ауылдарда медициналық және фельдшерлік-акушерлік бөлімшелер салынып, қажетті құрал-жабдықпен толық қамтамасыз етіледі. Осылайша, мемлекет бір миллионнан астам адамның алғашқы медициналық-санитарлық көмек алуына мүмкіндік жасайды, – деді Президент.
Мемлекет басшысының тапсырмасын іске асыру аясында биыл Глубокое ауданында 4 дәрігерлік амбулатория бой көтермек.
– «Ауылдық денсаулық сақтауды жаңғырту» Ұлттық жобасы бойынша Верхнеберезовский, Прапорщиково, Секисовка, Бобровка ауылдарында дәрігерлік амбулатория, Уварово ауылында фельдшерлік-амбулаторлық пункт пен 226 разъезде медициналық пункт салу жоспарлануда, – деді Эльдар Лұқбекұлы.
Оқи отырыңыз
