Катонқарағай әуежайын жаңарту жоспарланған
Төр Алтай туризмнің төріне айналып келеді. Сондықтан да туристерге қолайлы жағдай жасап, талапқа сай қызмет көрсетудің маңызы зор. Катонқарағай ауданындағы ескі әуежай жаңартылса алыс Алтайға жету жолы жеңілдемек.
ШҚО әкімі Катонқарағайдағы 1982 жылы салынған ескі әуежайды жөндеу үшін қазір инвесторларды тарту мәселесі қаралып жатқандығын айтты, деп хабарлайды Altaynews.kz тілшісі.
Сондай-ақ инвесторлар әуежайдың жағдайын көріп, өз ұсыныстарын айтқан. Бәрі оң шешілсе әуежайға жөндеу жүргізілмек.
– Катонқарағай ауылында әуежай бар, ол сонау 1982 жылы салынған. Әуежайдың техникалық мүмкіндігі АН-2 ұшағын қабылдауға арналған. Алайда бұл әуежайда салынғалы бері жөндеу-қалпына келтіру жұмыстары жүргізілмеген. Қазір инвесторларды тарту мақсатында жұмыстар жүргізіліп жатыр, жобалық-сметалық құжаттама әзірленуде, – деді ШҚО әкімі Ермек Көшербаев.
Сонымен қатар облыс әкімі Алтай ауданында да ескі әуежай бар екенін, инвесторлар үшін оны да туризмге тетік ету мүмкіндігі қарастырылып отырғанын жеткізді.
Оқи отырыңыз
