Семейде миллионер жастарды оқытатын «Zhas Project» тренингі басталып отыр. Семей қаласында бастау алған «Zhas Project» жастар корпусын дамыту жобасы 27 қаңтарға дейін жалғасып, 29 қаңтарда өтетін «Zhas Project» жастар корпусын дамыту жобасының қорытынды форумымен түйінделетін болады.

-Биылғы жыл Қазақстанда «Жастар жылы» деп жарияланғаны шыны керек, жас маман ретінде мені де қуантты. Себебі біздің ресурстық Орталықтың рухты да жалынды жастарына бұл үлкен мүмкіндік. Сонымен қатар, талай жасөспірімдер өздері ұзақ уақыт бойы іске асыра алмай келе жатқан жобаларын жүзеге асырып, толағай жетістіктерге бір қадам жақындайды.Семейдің жалынды жастары қолымыздан келген бар игі жақсылықтарды жасауға тырысамыз,-деді Семей қалалық Жастар Ресурстық Орталығының маманы Думан Кенжеғазин.

«Zhas project» жобасының қатысушыларын Абай атындағы кітапхана директорының орынбасары Гүлмира Аязбаева «Абай әлемі» сериясымен шыққан кітаптармен таныстырды.