ШҚО-да дропперлерден 62 млн теңгеден астам ақша өндірілді
pixabay.com
Шығыс Қазақстан облысының прокуратурасы алаяқтарға қылмыстық қаржылық операцияларды жүзеге асыруға жеке тұлғалардың көмектесу фактілері жиілегенін мәлімдеді, деп хабарлайды Altainews.kz тілшісі.
Яғни, қарапайым адамдар киберқылмыскерлер ұрлаған ақшаны аудару үшін өз жеке есепшоттарын пайдалануға беріп, ол үшін ақы алатын болған.
- Бас прокуратура мен Жоғарғы соттың бірлескен жұмысы аясында Қазақстан Республикасы Азаматтық кодексінің негізсіз баю туралы 953-бабы негізінде дропперлерден қаражат жинау тетігі әзірленді, - деп мәлімдеді ШҚО Прокуратурасы. - Бүгінгі таңда сотқа 83 жәбірленушіден 160 млн теңгеден астам сомаға талап-арыздар түсіп, оның 52-сі қанағаттандырылып, дропперлерден 62 млн теңгеден астам ақша өндірілді. Қалған істер қаралуда.
Егер дропперлердің алаяқтыққа қатысы бар екені анықталса, олар қылмыстық жауапкершілікке тартылуы мүмкін.
Прокуратура азаматтарға оңай табыс табу туралы ұсыныстардан сақ болуды, жеке деректерді ешкімге бермеуді және мұндай схемаларға қатысудан бас тартуды ұсынады.
Алаяқтардың арбауына түскен жағдайда полицияға немесе прокуратураға хабарласу қажет.
Оқи отырыңыз
Алимент төлемейтін, бірақ құмар ойынға ақша аямайтын әкелер барЕсірткі және адам саудасы қарапайым азаматтардың есепшорттары арқылы жүргізілгенШҚО-да 238 млн теңге мемлекет кірісіне қайтарылды«Борышкер»: ШҚО-да 17 миллион теңгеден астам айыппұл өндірілдіБанк қызметкері 600 млн теңгеден астам ақша ұрлаған
