Мемлекеттік-жекеменшік серіктестік аясында Өскеменде 915 орындық 5 балабақша ашылады. Бұл туралы кеше ШҚО әкімі Даниал Ахметов тікелей эфирде мәлімдеді.

Аталмыш нысандар Есенберлин, Революционный, Байбатчин, Өтепов көшелерінің бойында және Ахмер ауылында бой көтермек.

Сондай-ақ облыс орталығында жас техниктер стансасында қайта қалпына келтіру жұмыстары жүргізілген соң қосымша білім беру мақсатында SMART-орталық ашылады.

Аймақ басшысы ағымдағы жылы 423 білім нысанына ағымдағы және күрделі жөндеу жұмыстарын жүргізу үшін 10,9 млрд. теңге бөлінетінін атап өтті. Бұл өткен жылғы көрсеткішпен салыстырғанда 5 есе көп. Қазіргі күні 423 нысанның 381-де тиісті жөндеу жұмыстары аяқталды. Ал қалған ғимараттар 20 тамызға дейін қолданысқа беріледі.