ШҚО-ның Алтай қаласындағы Жеңіс саябағы қайта жаңарады, деп хабарлайды Altaynews тілшісі.

Мұндай шешімді Алтай ауданының әкімі Қалиқан Байғонысов қабылдап отыр.

Қалалық Жеңіс саябағы отбасымен серуендеуге арналған. Мұнда спорт алаңдары да бар. Қала халқының сүйікті демалыс орындарының бірі.

Аудан әкімінің тапсырмасымен мамандар саябақ аумағының сырт келбетін жақсарту бойынша жоба әзірлейтін болды. Осы мақсатта жергілікті бюджеттен қаражат бөлінді.

Қалиқан Байғонысов жоба жасайтын мекеменің өкілдерімен саябақта кездесті. Сарапшылар саябақ аумағын өзгертіп, түрлендіру бойынша нақты ұсыныстарын айтты.