Бұдан былай кәсіпорындардың RUKSAT.E-VKO.KZ проталында тіркелмеген арнайы рұқсаттамалары жарамсыз болады. Тіркеуге небары 9 сағаттай уақыт қалды.

– Кәсіпорындар көліктері және жаяу жүретін қызметкерлеріне рұқсаттама алу үшін жоғарыдағы сайтқа өтініш береді. Рұқсаттаманы бұрын алғандар болса, оны тіркетеді. Уақыт бүгін (17 сәуір) сағат 23:59-ға дейін ғана, – деп жазылған Өскемен әкімдігі таратқан ақпаратта.

Сонымен, әуелі RUKSAT.E-VKO.KZ порталын ашу керек, ары қарай:

– тізімде көрсетілген құжаттарды тіркеу;

– рұқсаттамасы бар немесе рұқсаттама алуға тиіс қызметкер туралы мәліметтер енгізу;

– рұқсаттамасы бар немесе рұқсаттама алынуға тиіс көлік туралы мәліметтер енгізу;

– өтініш беру.

Ұсынысыңызды өзгерткіңіз немесе толықтырғыңыз келсе, 18 сәуірге дейін өтініш берілгендер тізімінен жөндей аласыз.

Өтініштер бірнеше күн қаралады. Жауап өтініште көрсетілген электрон поштаға жіберіледі.