Қазақстанда  коронавирус жұқтырғандар саны 49 адамға жетті, деп хабарлайды Алтайньюс тілшісі.

Денсаулық сақтау министрлігі 20 наурыз 08.30-дағы жағдайға байланысты мәлімдеме жасады. Індет Қазақстанның тағы бір қаласынан шықты.

– Коронавирус індетін жұқтырған тағы 5 адам тіркелді. Алматы қаласында 22 адам, Нұр-Сұлтан қаласы бойынша 25 адам, Қарағанды қаласында 2 адам. Науқастардың жалпы саны 49-ға жетті, – деп жазылған ведомство хабарламасында.

Қарағандыда коронавирус жұқтырған 2 адам Минскіден келген рейстің жолаушылары, ал Алматыда тіркелген 3 науқастың бірі жас жігіт, екеуі – бойжеткен екені белгілі болды.