Өскеменде тағы да өрт шықты, деп хабарлайды Altaynews тілшісі. Бұл туралы қалалық Төтенше жағдайлар қызметі мәлім етті.

Оқиға 8 қаңтар күні сағат 23:37 шамасында Руднев көшесінің бойындағы үйлердің бірінде болған. Өрт кезінде үйде екі газ балоны болыпты. Құтқарушылар тобы келгенше, үйдегілер біреуін сыртқа шығарып үлгеріпті. Өрттің жалпы ауданы – 60 шаршы метр. Әзірше оқиғаның мән жайы анықталуда. Өрт сөндірушілердің айтуынша, 8 қаңтар күні қалада үш рет өрт шыққан.