ШҚМУ ұстаздары «Үздік оқытушы-2019» байқауында жеңімпаз атанды, деп хабарлайды Altaynews тілшісі.

Қазақстанның ЖОО профессор-оқытушылар құрамының педагогикалық және ғылыми шеберлігін саралайтын дәстүрлі байқауға бұл жылы да еліміздің түкпір-түкпірінен тәжірибелі ұстаздары құжаттарын ұсынған.

«Жоғары оқу орнының үздік оқытушысы» атағы берілетін республикалық байқаудың қорытындысы бойынша «Үздік оқытушы - 2019» мәртебесін еліміздің 48 жоғары оқу орнының 200 оқытушысы иеленіпті.

Адал еңбектерінің арқасында «Ең үздік ЖОО оқытушысы» мәртебесін жеңіп алған С. Аманжолов атындағы ШҚМУ оқытушылары: компьютерлік жобалау және ақпараттық технологиялар кафедрасының меңгерушісі, т.ғ.к. Жеңіскүл Зейнешқызы, Қазақстан тарихы кафедрасының доценті, т.ғ.к. Жанна  Әубәкірова, физика кафедрасының аға оқытушысы, т.ғ.к. Альмира Михайловна.