Өскеменде желтоқсан басталғалы бері 700-ден астам адам көктайғақ салдарынан жарақаттанды. Бұл туралы облыстық денсаулық сақтау басқармасы хабарлады.

Басқарма мәліметінше, 1-18 желтоқсан аралығында көктайғақта тайып жығылған 700-ден астам адам жарақат бекетіне келіп қаралған. Олардың көбі қол-аяғын сындырып, шығарып алған.

Алайда, облыстық соттың мәліметінше, жарақаттанғандардың ешқайсысы коммуналдық шаруашылық қызметкерлеріне шағымданбаған.