Өскеменде бозбала өрт кезінде екінші қабаттан секіріп кетті, деп хабарлайды Altaynews тілшісі. Бұл туралы қалалық төтенше жағдайлар қызметі мәлім етті.

Оқиға бүгін түнгі сағат 03:53-тер шамасында Металлургтер көшесінің бойындағы көп қабатты үйлердің бірінде болған. Қалалық төтенше жағдайлар бөлімінің мәліметіне сүйенсек, өрт екінші қабаттағы пәтерлердің бірінде шыққан. Өрт кезінде пәтер иесінің ұлы терезеден секіріп кетіпті. Басына зақым келген бала емханада жатыр. Құтқарушылар келген бетте 24 адамды, оның ішінде үш баланы үйден алып шыққан. Өрттің жалпы ауданы 28 шаршы метр. Жалынды ауыздықтау үшін төрт техника мен 20 адам жұмылдырылды. Әзірше өрттің шығу себептері анықталып жатыр.