Өрт сөндірушілер зейнеткерді өлім аузынан аман алып қалды - Өскемен
Өрт сөндірушілер 89 жастағы зейнеткерді өлімнен арашалап қалды, деп хабарлайды Altaynews тілшісі. Бұл туралы қалалық Төтенше жағдайлар қызметі мәлі етті.
Оқиға 24 қаңтар күні, түскі сағат 14:01 шамасында Бажов көшесінің бойындағы кп қабатты үйлердің бірінде болған. Өрттің жалпы ауданы екі шаршы метр. Үй иесінің жеке заттары жанған. Құтқарушылар келген бетте үйдегі 90-ға таяп алған әжейді эвакуациялады. Зейнеткердің денесін күйік шалған. Ол қазір емханада. Дәрігерлердің айтуынша, науқастың жағдайы ауыр. Әзірше өрттің шығу себептері анықталуда. Алайда зейнеткерлің қызы, анасының төсекте жатып шылым шегетінін айтқан.