Семейде бір күнде 300 түп қарағай егілді, деп хабарлайды Алтайньюс тілшісі.

Назарбаев зияткерлік мектебінің оқушылары мен мұғалімдері мектеп ауласына 300 түп қарағай отырғызды. "Семей орманы" табиғи резерватының өкілдері жас буынға көшеттерді отырғызу технологиясын оқытыпты.

– Мектеп ауласына қарағай отырғызу идеясы "NIS Teacher Volunteers" клубына тиесілі. Клуб жақында ғана өз жұмысын бастаған болатын. Бұл топта еліміздің түкпір-түкпірінен жиналған 45 мұғалім бар. Мұндағы басты мақсат, жас буынды тәрбиелеу, - дейді аталмыш топтың жетекшісі Жазира Құрманова.

Айтпақшы, мектеп директоры бұл игі бастама өз жалғасын табады деп отыр.