Головкин-Деревянченко жекпе-жегін қазақстандық телеарналар көрсете ме?

Қазақстандық QazSport және Qazaqstan телеарналары 5 қазанда Нью-Йорктегі (АҚШ) Madison Square Garden аренасында өтетін бокс кешін тікелей эфирде көрсетеді, деп хабарлайды Алтайньюс тілшісі.
Көпшілікке белгілі, кештің басты оқиғасы – қазақстандық Геннадий Головкин мен украиналық Сергей Деревянченко арасындағы титулдық жекпе-жек болмақ.
Нұр-Сұлтан уақытымен Big Drama Show 6 қазанда таңертең басталады. Головкин мен Деревянченко орта салмақтағы екі титулды сарапқа салады. IBF және IBO.
Бұдан бөлек бұл бокс кешінің аясында GGG Promotions компаниясының өкілі, екінші орта салмақтағы қазақстандық боксшы Әли Ахмедов өнер көрсетеді. Ол он раундтық жекпе-жекте америкалық Эндрю Эрнандеспен жұдырық түйістіреді.
Айта кетейік, Головкин жекпе-жекті нокаутпен аяқтауға уәде берді.