Мәдениет саласы қызметкерлерінің еңбекақысы 40 пайызға өседі
Бұл туралы премьер-министрдің орынбасары Бердібек Сапарбаев ШҚО-ға жұмыс сапары барысында айтты, деп хабарлайды Алтайньюс тілшісі.
Сапарбаевтың мәлімдеуінше, мәдениет саласы қызметкерлері міндетті әлеуметтік жеңілдіктерді алу арқылы білім беру және денсаулық сақтау саласы қызметкерлерімен теңеседі.
– Президент тапсырмасымен мәдениет және өнер қызметкерлерінің жағдайын көтеру жоспарымызда бар. Қазіргі уақытта әлеуметтік жеңілдіктер мәселесі пысықталып жатыр. Алдағы уақытта әлеуметтік қолдау шараларын, оның ішінде мәдениет және өнер қызметкерлерінің тұрғын үй жағдайын жақсартуды қамтитын салалық жоспарлар бекітілетін болады, – деді Премьер-министрдің орынбасары.
Оқи отырыңыз
Мәдениет қызметкерлерінің жалақысы көбейедіҚазақстанда әлеуметтік көмекке 3447,1 миллиард теңге бөлінді"Бұйрыққа қол қойылды" Бердібек Сапарбаев атаулы көмектің кімдерге берілетінін айттыДәрігерлер мен мейірбикелердің еңбекақысы 1 қаңтардан бастап өседіТұрғындар әлеуметтік желі арқылы әкімдерге баға береді
