Өскеменде бір күнде екі миллион теңге «табатын» шебер ұсталды, деп хабарлайды Алтайньюс тілшісі.

31 жастағы облыс орталығың тұрғыны бір күнде бес адамды алдап соққан. Көлігін жөндетпек болған жүргізушілердің сеніміне оңай кіре алған алаяқ 750 мың теңге жымқырған екен. Онымен қоймай жөндеуге берген Volksvagen Passat маркалы автокөлікті өзі мініп алған. Осылайша әккі "механик" тұрғындарға екі миллионнан астам қаражат көлемінде шығын келтіріп отыр.

– Күдіктіге қатысты ҚР Қылмыстық Кодексінің 190 бабы бойынша сотқа дейінгі тергеу амалдары басталды. Аталмыш бапқа сәйкес оған ірі мөлшерде айыппұл салынады немесе тіпті бас бостандығынан айыру жазасына кесілуі мүмкін. 31 жастағы ер адам бұған дейін 11 рет сотталған, – деп мәлімдеді ШҚО Полиция департаментінің баспасөз қызметі.