16-17 тамыз күндері Өскеменде балаларға арналған «Алёша» ойын алаңының ашылуы өтеді, деп хабарлайды Алтайньюс тілшісі.

Баланың ой-өрісі мен қиялына қанат бітіретін ойындарға 3 жастан 15 жасқа дейінгілер қатыса алады. «Lego» құрастырғыштары арқылы баланың интеллектуалдық қабілеті артып, саусақтардың ұсақ моторикасы дамиды.

– «Lego» құрастырғыштар әлемі сағат 10:00-ден 19:00-ге дейін жұмыс істейді. Біздің орталықта балаңызды бірнеше сағатқа қалдырып, алаңдамай жұмысыңызды тындыра берсеңіз болады. Өйткені, ойын алаңында балалармен жұмыс істейтін, арнайы қызметкерлер бар, - дейді орталық басшысы.

Айтпақшы, ашылуы бүгін Чехов көшесі 72а мекенжайы бойынша орналасқан «Дети» сауда үйінде өтеді. Салтанатты ашылуға қатысқан балаларға арнайы сыйлықтар табысталмақ.