Семейде полиция қызметкерлерінің кәсіби мерекесі аталып өтті, деп хабарлайды Алтайньюс тілшісі.

Тәртіп сақшыларының төл мерекесі 21 маусым күні Республика көлемінде тойланды. Атап өткендердің ішінде, Семей қаласы да бар. Қалалық мәдениет сарайына жиналған полиция қызметкерлері мен жылдам қимылдайтын арнайы жасақ қызметкерлеріне мерекелік концерт ұйымдастырылды.

Шараның шымылдығын полицейлердің бір күндік өмірі туралы бейнежазба ашты.Бейнежазба аяқталған соң, қонақтар 600-ге жуық полиция қызметкерлерінің қараңғыда смартфондарындағы жарықтары арқылы «ПОЛИЦИЯ» деген сөзді жазғанына куә болды.

Мерекелік концерт кезінде қызмет жолында дараланған, абыройлы іс жасаған қызметкерлерді Семей қалалық полиция басқармасының бастығы Дулат Қазақпаев марапаттады.