Риддер ЖЭО-да күрделі жөндеу жұмыстары қашан жасалады?
ШҚО әкімі Даниал Ахметов Риддердегі жылу электр орталығына күрделі жөндеу жұмыстары қашан жасалатынын айтты.
Аймақ басшысының айтуынша, кәсіпорында 4 жылдан бері ешқандай жөндеу жұмыстары жүргізілмеген, деп хабарлайды Altaynews тілшісі.
- Біз шұғыл жүрде ағымдағы жөндеу жұмыстарын жүргіздік. Десе де, ол ЖЭО-ның сенімді екенін білдірмейтінін атап өту керек. Сондықтан күзгі-қысқы жылыту маусымынан кейін күрделі жөндеу жұмыстарына кірісеміз. Кәсіпорында 4 жыл бойы жөндеу жұмыстары жүргізілмеген, - дейді Даниал Ахметов.
Естеріңізге сала кетейік, кеше таңертең сағат 06.54 шамасында Риддер ЖЭО-дағы цехтардың бірінен өрт шыққан болатын. Зардап шеккен ешкім жоқ, бірақ коммуналдық желілердің температурасы тағы уақытша төмендеді.
Оқи отырыңыз
