Құқық қорғау органдары Риддер ЖЭО-ның басшылығына қатысты тергеу жүргізіп жатыр.

Облыс әкімдігі станцияны коммуналдық меншікке беру мәселесін бірнеше рет көтерген, десе де кәсіпорын басшылығы әзірге нақты жауап бермеген, деп хабарлайды Altaynews тілшісі.

Қазіргі уақытта құқық қорғау органдары ЖЭО басшылығына қатысты тергеу жүргізуде.

ҚР ҰЭМ Табиғи монополияларды реттеу комитетінің ШҚО бойынша департаменті басшысының айтуынша, ШҚО-да орта есеппен алғанда коммуналдық желілердің 76,19 пайызы тозған. Ал, Риддер қаласындағы жылу электр орталығында жабдықтардың 74,5 пайызының тозығы жеткен

Естеріңізге сала кетейік, кеше таңертең сағат 06.54  шамасында Риддер ЖЭО-дағы цехтардың бірінен өрт шыққан болатын.  Артынша облыс әкімі ЖЭО-ға күрделі жөндеу жұмыстары қашан жасалатынын айтты.