Шығыс Қазақстандағы бірқатар ауылдарда ветеринар мамандар тапшы екен.

Қазір ШҚО-ның ветеринария саласындағы барлық жұмыс орындарының 80 пайызында маман бар. Ал оның 30 пайызы зейнет жасында немесе зейнеткерлікке таяп қалған, деп хабарлайды Altaynews.kz Қазақпарат сайтына сілтеме жасап. 

Облыстық ауыл шаруашылығы басқармасының мәліметіне сүйенсек, жыл сайын өңірде ветеринария мамандығы бойынша орта есеппен 135 түлек жоғары және орта оқу орындарын бітіреді. Алайда ауылда жұмыс істеуге 50-ге жетер-жетпес адам ғана барады.

Осы салаға жастарды тарту мақсатында ветеринариялық оқу орындарының студенттері мен түлектері үшін ашық есік күндері, бос орындар жәрмеңкесі секілді шаралар жиі өткізіледі. Студенттердің агроөнеркәсіп кешенінің жетекші ұйымдарының басшыларымен кездесуі де ұйымдастырылған.