Ішкі істер министрлігі қанша автокөлік заңдастырылғанын айтты, деп хабарлайды Altaynews.kz. тілшісі.

«Бүгінге дейін 30 415 өтініш мақұлданды. 6 868 автокөлік заңдастырылды», - делінген хабарламада.

Еске салайық, елімізде шетелдік автокөліктерді заңдастыру басталды.

Заңдастыруға өтінішті электрон үкімет порталы арқылы е-gov.kz, екінші деңгейдегі банктердің қосымшалары арқылы, халыққа қызмет көрсету орталықтарында (ХҚКО) арқылы беруге болады.

Автокөлік Қазақстанға 2022 жылғы 1 қыркүйекке дейін әкелінуге, қылмыстық есепте тұрмауға, басқа мемлекетте бұрынғы тіркелген жері бойынша есептен шығарылуға тиіс. Сонымен бірге Еуразиялық экономикалық одаққа кірмейтін елдерден әкелінген автокөлік кедендік тазартудан өтуі керек. Егер автокөлік заңдастыруға келсе, онда алғашқы тіркеу үшін мемлекеттік алымдарды, техпаспорт үшін және мемлекеттік нөмір үшін бажды төлеу қажет.

Заңдастыру 2023 жылдың 1 шілдесіне дейін жалғасады.