«Қазселденқорғау» ШҚ филиалының мамандары мониторинг жасап, таулы аймақтарға қар мол түскеніне көз жеткізді.

Облыстық төтенше жағдайлар департаментінің қызметкерлері қар көшкіні болмас үшін жарылыс жасап, жол бойындағы қырттардың қарын түсірді.  

«Қауіпсіздік мақсатында «Өскемен-Алтай» тасжолында жасанды жолмен қар түсіру жайлы шешім қабылданды. Тауда 2 жарылыс жасалып, соның нәтижесінде 2050 текше метр қар түсірілді. Қар жолды толықтай жауып қалды. Бірден қарды тазалау жұмыстары жүргізілді», - деп хабарлады ведомство өкілдері.

Айта кетейік, өңірде 497 учаскеде көшкін қаупі бар.