2022 жыл – еліміз үшін саяси жаңғыру жылы болды деуге негіз бар. Президент бастамасымен түрлі салада тың рефеормалар жасалды. Солардың бірі жақындап келе жатқан маңызды саяси науқан – Мәжіліс пен мәс­лихат сайлауына қатысты. Сайлау биыл әлдеқайда де­мократиялық және ашық форматта өтеді деп күтілуде.

Бұл туралы мемлекет басшысы Қасым-Жомарт Тоқаев:

– Мәжіліс пен мәслихаттар жаңа үлгі бойынша жасақталады. Сонда сайлаушылардың мүддесі жалпыұлттық және аймақтық деңгейде толық қорғалады. Өкілді билікке түрлі көзқарастағы азаматтардың келуіне мүмкіндік туады, – деді.

Былтыр Мәжіліс және облыстық мәслихаттар  сайлауының аралас пропорциялық-мажоритарлық жүйесін енгізу туралы шешім қабылданды. Яғни Мәжіліс депутаттардың 30 пайызы партиялық тізім бойынша емес, тікелей сайланады. Ал мәслихаттарға келетін болсақ, мұнда схема 50/50 болады.

Қалалар мен аудандардың мәслихаттар сайлауы толық мажоритарлық жүйе бойынша өтеді. Сарапшылардың сөзіне сүйенсек, мұндай тәсіл азаматтардың құқықтарын қамтамасыз ететін, халықтың, оның қалаулылары мен атқа­рушы органдардың арасындағы қа­рым-қатынастың жаңа форматының негі­зін қа­лайтын неғұрлым үйлесімді сай­лау мо­делін қалыптастырады.

Бұған импе­ра­тив­­т­ік мандат деп аталатын мандат­тың енгі­­зі­луі септігін тигізеді – өз қалаулы­сы­­ның жұмысына көңілі толмаған адамдар оны депутаттық креслосынан айыра алады.

Сондай-ақ партиялардың Парламентке өту межесін төмендету (қазір 5% дауыс алу жеткілікті), сондай-ақ партиялық тізімге әйелдер мен жастар үшін 30% квота енгізу жөніндегі бұрынғы бастамаларды еске түсірген жөн. 

«Мұның бәрі Мәжілістің жаңа шақырылымы шынымен де палата үшін «қайта құруға» айналады», - деген ойда саяси сарапшылар.