Ерекше қажеттілігі бар жандардың жәрдемақысы өседі
Елімізде қыркүйектен бастап бірнеше санат бойынша мемлекеттік жәрдемақы өседі.
Мемлекет басшысы Қасым-Жомарт Тоқаев Парламент палаталарының бірлескен отырысында үш санат бойынша жәрдемақыны өсіруді тапсырды, деп хабарлайды Altaynews тілшісі.
– Біз ерекше қажеттілігі бар адамдарды және олардың күтушілерін қолдау шараларын күшейтуіміз қажет. Сондай-ақ асыраушысынан айырылған азаматтар назардан тыс қалмауы керек. Осы орайда, Үкіметке аталған санаттағы адамдардың жәрдемақысын орта есеппен 14,5 пайызға көбейтуді тапсырамын. Мұны биылғы 1 қыркүйектен бастап қолға алу қажет, – деді Мемлекет басшысы Қасым-Жомарт Тоқаев.
Айта кету керек, бұған дейін Сенат қабылдаған Әлеуметтік кодекс жобасы аясында кейбір санаттағы азаматтардың жәрдемақысын 14,5%-ға көтеру жоспарланып отырғаны хабарланған болатын.
Олар:
- мүгедектігі бойынша, асыраушысынан айырылуы бойынша мемлекеттік әлеуметтік жәрдемақы алатындар;
- мүгедектігі бар баланы тәрбиелеп отырғандар;
- бірінші топтағы мүгедектігі бар адамға күтім жасайтындар;
- саяси қуғын-сүргін құрбандары және саяси қуғын-сүргіннен зардап шеккен, мүгедектігі бар немесе зейнеткер адамдар;
- ерекше еңбегі үшін зейнетақы тағайындалған адамдар.
Оқи отырыңыз
