Тарбағатай ауданында биыл 6 медициналық пункт салынады
Тарбағатай ауданында биыл 6 медициналық пункттің құрылысы жоспарланған.
Бұл туралы Өңірлік коммуникациялар қызметі алаңында өткен баспасөз брифингінде Тарбағатай ауданының әкімі Дархан Жөргекбаев айтты, деп хабарлайды Altaynews тілшісі.
– Ауылдық аумақтарды дамытудың 2023-2027 жылдарға арналған тұжырымдамасына сәйкес Тарбағатай ауданы бойынша жаңадан 9 медициналық пункт құрылысы жоспарланған, оның 6-уы биыл жүзеге асырылмақ, – деп атап өтті аудан әкімі.
Сондай-ақ Құйған және Тәуке ауылдарындағы медициналық пункттерді күрделі жөндеуге 170,0 млн теңге қаржы бөлінген.
Мемлекет басшысы Қасым-Жомарт Тоқаев «Әділетті мемлекет. Біртұтас ұлт. Берекелі қоғам» атты Қазақстан халқына Жолдауында ауыл медицинасының ахуалын жақсарту жөнінде тапсырма берген болатын.
– Мен келесі жылдан бастап еліміздің ауыл тұрғындарының қажеттіліктеріне бағытталған ұлттық жобаны іске асыруды бастау туралы шешім қабылдадым. Екі жыл ішінде бүгінде медициналық мекемелері жоқ 650 ауылда медициналық және фельдшерлік-акушерлік пункттер салынып, толық жарақтандырылады. Осылайша, мемлекет миллионнан аса азаматтың алғашқы медициналық-санитарлық көмекке қол жеткізуін қамтамасыз етеді, – деді Президент Жолдауында.
Оқи отырыңыз
