ШҚО-да командирлердің жауынгерлік шеберлігі сыналды
Фото: inform.kz
"Шығыс" өңірлік қолбасшылығы Семей, Өскемен, Павлодар және Курчатов қалаларындағы әскери қызметшілердің қатысуымен оқу-жаттығу жиынын ұйымдастырды.
Оқу-жаттығудың басты мақсаты - бірнеше өңірден келген әскери қызметшілердің кәсіби біліктілігі мен шеберлігін арттыру және тәжірибе алмасу, деп хабарлайды Altaynews тілшісі.
- Семей қаласындағы 5511 әскери бөлімінің базасында атыс қаруларынан нысанаға атудан мергендіктерін көрсетіп, жауынгерлік машиналарды жүргізу және БТР-80 әскери техникасымен кедергілер арқылы жүру сынды практикалық сабақтарын ұйымдастырғанбыз, - дейді 5511 әскери бөлімінің командирі подполковник Айбек Исенов.
Жиынға қатысушылар мұндай шаралардың әскери дағдыларды шыңдауға тамаша мүмкіндік беретінін атап өтті.
- Біз бүгін күнделікті қызметімізге пайдасын тигізетін тәжірибемен алмастық. Осындай жиындар арқылы жедел шешім қабылдау және командада үйлесімді жұмыс істеу қабілеттерін шыңдай аламыз, - дейді 5518 әскери бөлімінің командирі подполковник Медет Ертайлақов.
Оқи отырыңыз
