Шығыс Қазақстан облысының полиция қызметкерлері жол ережесін қатаң сақтауға шақырды.

Өңірде жыл басынан бері 14 адам жол апатынан қаза тапқан, деп хабарлайды Altaynews тілшісі.

«Алты айдың ішінде 54 жол оқиғасы болды. 14 адам қаза тауып, 111 адам жарақат алды. Жазда демалыс кезінде жолдарда көлік көбейеді. Соның салдарынан оқыс оқиғалар да жиілеп кетеді. Сондықтан жүргізушілерді жол ережелерін, жылдамдық режимін қатаң сақтауға және көліктің техникалық жағдайын жіті қадағалауға шақырамын», - деп мәлімдеді ШҚО ПД бастығы Ерлан Омарбеков.