Қазақстанда жыл басынан тамыз айына дейін мыңнан астам адам жол апатынан қаза тапты, деп хабарлайды Алтайньюс тілшісі.

Елімізде жол-көлік оқиғалары жиілеп кетті. Мәселен қаңтар-тамыз аралығында 1,3 мың адам жол апатынан көз жұмған. Оның 146-сы кәмлет жасқа толмағандар. Бұл туралы Ranking.kz сараптамалық қызметі мәлімдеді.

Сарапшылардың айтуынша, қаңтар-тамыз аралығындағы жол-көлік оқиғаларының саны 10,1 мың. Бұл өткен жылғы көрсеткішпен салыстырғанда 4,6 пайызға жоғары. Жол апаты кезінде жарақат алғандардың саны 13,4 болса, оның 2,6 мыңы балалар.

Осыған байланысты жуықта Президент Қасым-Жомарт Тоқаев мас бола тұра, көлік рульіне отырған жүргізушілерді түрмеге қамауға байланысты түзетулер енгізуді тапсырды.