ШҚО-дағы мемлекеттік орман қоры учаскелерінде шырша екпесін санитарлық кесуге тыйым салынды.

Айта кету керек, шырша көшетіне майқарағайлы, самырсын, шырша жатады, деп хабарлайды Altaynews тілшісі.

Экология министрлігі Орман шаруашылығы және жануарлар дүниесі комитеті төрағасының 2023 жылғы 5 шілдедегі бұйрығымен ШҚО облысының мемлекеттік орман қоры учаскелеріндегі шырша екпесін санитарлық кесуге тыйым салынды. Бұйрық 23 шілдеде күшіне енеді.

Естеріңізге сала кетейік, бұған дейін өңірде бірнеше орман өрті тіркелген болатын. Атап айтқанда, 17 маусым күні Катонқарағай саябағы мен Батыс Алтай қорығында өрт шықты. Оны ауыздықтау үшін "Қазавиалесоохрана" мекемесінің қызметкерлері, орманшылар, жергілікті атқарушы органдар, ШҚО ТЖД өрт сөндірушілері және ШҚО әкімі аппараты әуе бөлімшесіндегі жеке құрамның 111 адамы, үш техникасы және екі тікұшағы жұмылдырылды. Нәтижесінде өрт 19 маусымда толықтай ауыздықталды.

Ал 26 маусым күні  Приморск орман шаруашылығы аумағында, 5 шілдеде Асубұлақ орман шаруашылығында ірі өрт шықты.