Өткен аптада республика аумағында 3 мыңнан астам қылмыс жасалған.

Бұл туралы Ішкі істер министрлігінде өткен апталық баспасөз мәслихатында ведомствоның өкілі Шұғыла Тұрлыбек мәлімдеді, деп хабарлайды Altaynews BAQ.KZ-ке сілтеме жасап.

– Бір апта ішінде 3011 қылмыс жасалды, оның 1810-ы тәулік ішінде ашылды, – деп атап өтті елдегі криминогендік жағдайға тоқталған министрлік өкілі.

Айтуынша, тәртіп сақшылары «ізін суытпай» бірнеше қылмысты әшкерелеген.

– Полиция қызметкерлері «ізін суытпай» 5 кісі өлтіруді, 5 өлімге әкеп соққан денсаулыққа қасақана ауыр зиян келтіруді, 1 қарақшылық, 34 тонау және 430 бөтен мүлікті ұрлау қылмыстарын ашты, – деді Шұғыла Тұрлыбек.