Зейнетақы жинақтары жыл басынан бері 1 триллион теңгеге өсті
Фото: ашық дереккөз
2023 жылғы 1 мамырдағы жағдай бойынша Бірыңғай жинақтаушы зейнетақы қоры салымшыларының жеке шоттарындағы зейнетақы жинақтары 15,68 трлн теңгеге жетті.
Жыл басынан 1 мамырға дейінгі өсім 1 трлн теңге (6,9%). Өткен жылдың сәйкес кезеңімен салыстырғанда, зейнетақы жинақтарының көлемі 2,74 трлн теңгеге (немесе 21,1%) өсті, деп хабарлайды Altaynews тілшісі.
– Өсім жарналар мен инвестициялық табыс түріндегі кіріс, сондай-ақ зейнетақы төлемдері түріндегі, оның ішінде кесте бойынша және біржолғы – тұрғын үй мен емделу, мұрагерлік, жерлеу, тұрақты тұруға кету және тағы басқа мақсаттағы шығыс ағындары есебінен қалыптасты, – деді «БЖЗҚ» АҚ ШҚО филиалының директоры Марат Сейітқалиев.
2023 жылдың 4 айында зейнетақы жарналарының сомасы 663,42 млрд теңге болды, бұл өткен жылғы көрсеткіштен 27% немесе 139,88 млрд теңгеге жоғары. Айта кетейік, өткен жылдың сәйкес кезеңімен салыстырғанда өсім жарналардың барлық түрлері бойынша орын алды: МЗЖ – 27%, МКЗЖ – 24%, ЕЗЖ – 73%.
Оқи отырыңыз
