ШҚО-да үкіметтік емес ұйымдардың өкілдері марапатталды
Облыс орталығында үкіметтік емес ұйымдардың өкілдерін марапаттау рәсімі өтті.
Шара қатысушыларына ШҚО әкімі аппаратының басшысы Ербол Нұрғалиев ҚР Мәдениет және ақпарат министрі Аида Балаеваның алғыс хаттарын табыстады, деп хабарлайды Altaynews тілшісі.
- Әділетті қоғам құруға әрқайсымыз атсалысуымыз қажет. Еліміздің дамуы мен тұрақтылығына баға жетпес үлес қосып жатқандарыңыздан барлығы хабардар деп ойлаймын. Мереке қарсаңында баршаңызды құттықтай отырып, шексіз алғысымды білдіргім келеді. Сіздердің және тынымсыз еңбектің арқасында алда талай биіктерді бағындыратын боламыз, - деді ШҚО әкімі аппаратының басшысы Ербол Нұрғалиев.
Айтулы мереке қарсаңында өңірдегі 14 қоғам қайраткері алғыс хаттармен марапатталып, қоғамның дамуын ақпараттық қолдаудың жеке қорының директоры Ольга Свириденко ҮЕҰ сыйлығының лауреаты атанды.
- Барлық жерлестерімізді ұлттық мереке – Республика күнімен шын жүректен құттықтаймын. Жаңа Қазақстан құру жолында баршаларыңызға өзіне деген өшпес сенімлілік тілеймін. Еліміздің өсіп-өркендеуі үшін, қоғам игілігі үшін біркісідей еңбек етуге әрқашан әзірміз, - дейді ШҚО бойынша "Атамекен" ҰКП Іскер әйелдер Өңірлік кеңесінің төрағасы Елена Березинская-Әбілова.
Оқи отырыңыз
