ШҚО-да жол апатынан 2 адам қаза тапты
шартты сурет
Өскемен-Риддер трассасында жүк көлігі апатқа ұшырады. Жол апатының салдарынан 2 адам қаза тапты, деп хабарлайды Altaynews.kz тілшісі.
«Жүк көлігінің жүргізушісі рульге ие бола алмай қалды. Соның салдарынан көлік жолдан шығып кеткен. Екі жолаушы оқиға орнында қаза тапты», - деп мәлімдеді облыстық полиция департаментінің баспасөз қызметі.
Қазіргі уақытта аталған факті бойынша ҚР Қылмыстық кодексінің 345-бабы 4-бөлігіне (Көлік құралдарын басқаратын адамдардың абайсызда екі немесе одан да көп адам өліміне әкеп соққан жол қозғалысы ережелерін бұзуы) сәйкес сотқа дейінгі тергеу амалдары басталған. Сот-медициналық сараптама тағайындалды. Соның қорытындысы бойынша процессуалдық шешім қабылданады.
Оқи отырыңыз
