Шығыс Қазақстан облысында тасжолда көлік аударылды. Жол апатынан бір адам қаза тапты, деп хабарлайды Altaynews тілшісі.

Жол-көлік оқиғасы 12 қараша күні сағат 16.00 шамасында облыстық маңызы бар «Өскемен-Винное ауылы» тасжолында болған.

«Тасжолдың Глубокое ауданы жағында, 9-шы шақырымда, «Subaru outback» маркалы көліктің жүргізушісі рульге ие бола алмай қалған», - деп мәлімдеді облыстық полиция департаментінің баспасөз қызметі.

Қазір ҚР Қылмыстық Кодексінің 345-бабы 3-бөлігі бойынша сотқа дейінгі тергеу жүріп жатыр. Сот-медициналық сараптама тағайындалған, соның қорытындысы бойынша процессуалдық шешім қабылданады.