Риддер қаласында жаңа жылдық шыршаны безендіруге 23 млн жұмсамақ
afisha.bigmir.net
Риддер қаласында жаңа жылдық шыршаны безендіруге 23,5 млн теңге бөлу жоспарланып отыр.
Былтырғыдай қаланың орталық алаңында үлкен жасанды шырша орнатылады, деп хабарлайды Altaynews.kz тілшісі.
Жаңа жылдық шыршаны орнату, безендіру және демонтаждау жұмыстарына бюджеттен 8,5 млн теңге бөлінеді.
Қалған қаражат жеңіл композициялар мен фотоаймақ сатып алуға және орнатуға жұмсалады.
- Алда сырғанақ құрылысы ұйымдастырылады. Сондай-ақ сарай алаңы мен Төртінші аудан алаңын жарық гирляндаларымен безендіру жоспарлануда, - деп хабарлады Риддер қалалық ТҮКШ және автомобиль жолдары бөлімі.
Оқи отырыңыз
